Ñuqamanta

Kallallusta Anzaldo chirupi paqarikurqani. Juch’uymanta pacha Quechua simita Castellanota ima yachakurqani. Kalallustapi kawsakuspa sinchita turaywan ñañaywan ima pukllaq kayku. Tatay mamaytakunata llamk’aysiq kayku.

Sipasña kaspa, Cochabamba llaqtaman yachaywasiman jampurqani.Yachaywasita tukuchispataq Lingüística ñisqata Universidad Mayor de San Simónpi yachakurqani. Universidadta tukuchispa, 2011 watapi Franciaman Castellano simita yachachinaypaq rirqani. 2012 watapi Boliviaman kutirimpuni. Qhichwata yachachispa llamk’arqani, chanta qillqaq ima kani. 2013 watapi juk novela ñisqata Qhichwa simipi qillqarqani. Chay novela ñisqapta sutin: “Phuyup Yawar Waqaynin” Kay p’anqa jatun tatayta kawsayninmanta, Kalallusta aylluymanta ima parlan.

942891_598383300180901_849824406_n

2013 wata tukukuyta “Visiting Scholar” ñisqajina Universidad de Nueva Yorkman rirqani. Chaypi Qhichwa simita yacharachimurqani, p’anqayta inglés simiman tiqrarqani ima.

2013 watapi septiembre killapi, “Maestría en Artes y Ciencias” ñisqata yachakuyta qallarirqani. Kunan wata Mayo killapi, kay Maestría ñisqata tukuchiniña. Kunantaq juk  “Doctorado en Lingüística” ñisqata Universidad de Texas en Austin, Estados Unidospi yachakuchkani. Yachakuqjinataq Qhichwa simiyta kawsarichinaypaq llamk’akuchkallanipunitaq. Kimsa p’anqatawan qillqachkani, chantapis Podcasts ñisqakunata ruwachkallanipunitaq, jinallatataq Videos ñisqakunata.

Chayllata ñuqamanta willarikuykichikman. Pachi tukuy suquwan!